mán 28. september 2020 15:04
Magnús Már Einarsson
Nökkvi aftur brotinn - Tímabilið búið
Nökkvi í leiknum í gær.
Nökkvi í leiknum í gær.
Mynd: Fótbolti.net - Eyjólfur Garðarsson
Nökkvi Þeyr Þórisson, framherji KA, ristarbrotnaði í 4-2 útisigri liðsins gegn Gróttu í gær. Þetta staðfesti hann í samtali við Fótbolta.net í dag.

Nökkvi mun því ekki koma meira við sögu á tímabilinu en hann verður frá keppni í tvo til þrjá mánuði.

Hinn 21 árs gamli Nökkvi meiddist snemma leiks í gær eftir baráttu við Arnar Þór Helgason, varnarmann Gróttu.

Nökkvi ristarbrotnaði einnig fyrr á þessu tímabili og var þá frá keppni í langan tíma.

Nökkvi hefur skorað eitt mark í níu leikjum í Pepsi Max-deildinni í sumar en það kom gegn ÍA í fyrstu umferð.
Athugasemdir
banner
banner
banner
banner