Meistaradeildin í dag - Man City þarf á sigri að halda í lokaumferðinni

Það er komið að lokaumferð deildakeppni Meistaradeildarinnar en það er gríðarlega mikil spenna.

Það getur ýmislegt gerst en ljóst er að Liverpool er komið áfram í 16-liða úrslitin. Liðið heimsækir PSV. Arsenal er í mjög góðri stöðu og það þarf mikið að fara úrskeðis til að liðið komist ekki beint áfram.

Man City þarf hins vegar lífsnauðsynlega á sigri að halda ananrs er liðið úr leik, tímabilið hefur alls ekki verið gott hjá liðinu og yrðu það gríðarlega mikil vonbrigði ef liðið kemst ekki í útsláttakeppnina.

Aston Villa situr í 9. sæti en á fína möguleika á að enda í einu af efstu átta sætunum. Líklegt er að lið á borð við Real Madrid, Bayern og Juventus þurfi að sætta sig við umspilssæti.