29.06.11 - 18:12
Alexander Freyr Tamimi
Jóhannes Karl og Vanda hætt með Breiðablik (Staðfest)
Jóhannes Karl er hættur með Blikastúlkur.
Mynd: Fótbolti.net - Hafliði Breiðfjörð
Jóhannes Karl er hættur með Blikastúlkur.
Mynd: Fótbolti.net - Hafliði Breiðfjörð
Jóhannes Karl Sigursteinsson þjálfari Breiðabliks er hættur störfum hjá félaginu og sömuleiðis Vanda Sigurgeirsdóttir, aðstoðarkona hans. Gengi Breiðabliks hefur ekki verið sérlega gott í sumar og koma þessar fregnir því ekki á óvart.
Breiðablik hefur verið í titilbaráttunni undanfarin ár en situr nú í sjöunda sæti deildarinnar með einungis sjö stig, tólf stigum á eftir toppliði Vals. Það virðist einfaldlega sem brotthvarf Söru Bjarkar Gunnarsdóttur hafi reynst of stórt skarð fyrir liðið til að fylla.
Knattspyrnudeild Breiðabliks mun tilkynna um nýjan þjálfara á næstunni samkvæmt yfirlýsingu sem félagið gaf frá sér í dag.
Knattspyrnudeild Breiðabliks mun tilkynna um nýjan þjálfara á næstunni samkvæmt yfirlýsingu sem félagið gaf frá sér í dag.
