ÍA vann Vestra á Ísafirði í dag en þetta var fyrsti leikur Lárusar Orra Sigurðssonar sem þjálfari liðsins. Hann ræddi við Fótbolta.net eftir leikinn.
Lestu um leikinn: Vestri 0 - 2 ÍA
„Mjög ánægður með vinnuframlagið hjá strákunum, einbeitinguna, viljann, kraftinn. Ánægður með gömlu refina í liðinu og ungu strákana sem komu inn. Heilt yfir er ég mjög ánægður," sagði Lárus Orri.
Það er gríðarlega mikilvægt að byrja svona sterkt segir Lárus.
„Það er gríðarlega mikilvægt, ekki fyrir mig bara fyrir okkur sem lið. Fyrstu 20 mínúturnar voru menn að átta sig á því hvað við vorum að gera. Eftir það þá fannst mér við vera betri aðilinn í leiknum og áttum þennan sigur skilið," sagði Lárus Orri.
Hann tekur við liðinu á botni deildarinnar en liðið átti frábært tímabil í fyrra og var nálægt því að tryggja sér Evrópusæti.
„Staðan upp á Skaga núna er þannig að ég er að taka við mjög góðu búi af honum Jóni Þór. Hann er búinn að gera mjög gott starf upp á Skaganum," sagði Lárus Orri.
„Þeir lentu í erfiðu tímabili núna og svo fór sem fór. Jón Þór veit það jafn vel og ég að fótboltinn er stundum skrítinn en ég er að taka við mjög góðu búi. Það er frábært starfsteymi hérna, góðar aðstæður, góðir leikmenn en ég held við áttum okkur allir á því að þetta er bara einn sigur og við fögnum í kvöld og byrjum svo að undirbúa okkur fyrir Fram leikinn."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
