Santa Cruz til Blackburn (Staðfest)

,,Hann er ungur leikmaður, landsliðsmaður með gott orð á sér," sagði Mark Hughes stjóri Blackkburn um þennan 25 ára gamla leikmann. ,,Það góða sem við sáum er að hann er í góðu formi enda hefur hann verið að spila með Paragvæ á Copa America."

Santa Cruz hefur fallið niður goggunarröðina hjá Bayern í kjölfar þess að framherjarnir Miroslav Klose og Luca Toni komu í sumar. Á meðan hann var hjá Bayern vann hann Meistaradeildina, fimm Bundesligu titla, fjóra bikartitla og heimsmeistarakeppni félagsliða.

Hann skoraði 31 mark í 155 leikjum fyrir félagið og lék 51 leik í Meistaradeildinni.