30.05.25 - 12:35
Elvar Geir Magnússon
Allegri aftur til AC Milan (Staðfest) - Conte áfram hjá Napoli
Massimiliano Allegri.
Mynd: EPA
Massimiliano Allegri.
Mynd: EPA
AC Milan hefur ráðið Massimiliano Allegri í stjórastarfið. Hann hefur skrifað undir tveggja ára samning, með möguleika á framlengingu um ár til viðbótar.
Allegri tekur við af Sergio Conceicao sem var látinn fara eftir að hafa aðeins verið sex mánuði í starfinu. Milan féll úr leik í umspili Meistaradeildarinnar og náði ekki Evrópusæti í ítölsku deildinni. Þá tapaði liðið gegn Bologna í úrslitum ítalska bikarsins.
Allegri snýr aftur til Milan ellefu árum eftir að hann var rekinn frá félaginu. Hann stýrði Milan til sigurs í ítölsku A-deildinni 2011 en þekktastur er hann fyrir sigursælan tíma hjá Juventus.
Hann hafði einnig verið orðaður við Ítalíumeistara Napoli en nú segja ítalskir fjölmiðlar að Antonio Conte verði áfram. Það kom upp ágreiningur milli hans og forsetans Aurelio De Laurentiis en búið er að leysa úr honum og báðir aðilar segjast hafa sömu framtíðarsýn fyrir félagið.
Allegri snýr aftur til Milan ellefu árum eftir að hann var rekinn frá félaginu. Hann stýrði Milan til sigurs í ítölsku A-deildinni 2011 en þekktastur er hann fyrir sigursælan tíma hjá Juventus.
Hann hafði einnig verið orðaður við Ítalíumeistara Napoli en nú segja ítalskir fjölmiðlar að Antonio Conte verði áfram. Það kom upp ágreiningur milli hans og forsetans Aurelio De Laurentiis en búið er að leysa úr honum og báðir aðilar segjast hafa sömu framtíðarsýn fyrir félagið.
Serie A - karlar
Conte stýrir Napoli áfram.
Mynd: EPA
