Flemming í baráttu við Ryan Gravenberch í hollenska boltanum fyrir þremur árum.
Edwards í leik með Sporting gegn Arsenal í Meistaradeildinni síðasta nóvember.
Burnley hefur tekist að klifra aftur upp í ensku úrvalsdeildina og er félagið búið að ljúka við sín fyrstu kaup fyrir næsta úrvalsdeildartímabil.
Zian Flemming og Marcus Edwards hafa verið keyptir til félagsins en þeir léku með Burnley á láni frá Millwall og Sporting CP á nýliðinni leiktíð.
Flemming er 26 ára gamall og leikur sem sóknarsinnaður miðjumaður. Hann kom að 18 mörkum í 37 leikjum með Burnley á leiktíðinni.
Flemming gerir fjögurra ára samning og gæti reynst mikilvægur hlekkur á komandi leiktíð, eftir að hafa skorað 12 mörk í Championship deildinni og 2 í FA bikarnum.
Flemming er hollenskur, uppalinn hjá Ajax en hefur aldrei spilað fyrir landsliðið. Hann var lánaður til Burnley í fyrra með kaupskyldu.
Edwards er 26 ára kantmaður sem kom til Burnley á lánssamningi í janúar. Hann gerir fjögurra ára samning við félagið.
Edwards er enskur og ólst upp hjá Tottenham áður en hann flutti til Portúgal. Hann þótti gríðarlega mikið efni á sínum yngri árum og lék rétt tæpa 50 leiki fyrir yngri landslið Englands.
Hann er sagður vera gífurlega spenntur fyrir ensku úrvalsdeildinni.
Burnley Football Club are delighted to announce that Zian Flemming has joined the Club on a permanent basis from Millwall following the conclusion of the 2024/25 Sky Bet Championship campaign. ??
— Burnley FC (P) (@BurnleyOfficial) May 29, 2025
Excited to have you with us, Zian. ????
Burnley Football Club are pleased to announce that Marcus Edwards has signed permanently for the Clarets, joining on a four-year contract from Sporting CP. ??
— Burnley FC (P) (@BurnleyOfficial) May 26, 2025
Here to stay. ????
Athugasemdir
