Björn Viðar til ÍR á láni (Staðfest)

Björn Viðar sem er 26 ára gamall er uppalinn hjá Fylki en hann gekk til liðs við Víking fyrir tímabilið.

Hann hefur ekki fundið sig í Víkinni, leikið sjö leiki í Landsbankadeildinni og þar af tvo í byrjunarliði en ekki náð að skora.

ÍR-ingar burstuðu Sindra 7-0 á föstudaginn og eru sem stendur í þriðja sæti í annarri deildinni. Liðið mætir Selfyssingum sem eru í öðru sæti á miðvikudaginn og þar ætti Björn Viðar að geta leikið sinn fyrsta leik með ÍR.