Jökull Elísabetarson og Högni Helgason í Breiðablik (Staðfest)

Jökull sem er varnar og miðjumaður kemur frá Víkingi en hann spilaði 19 leiki með liðinu í 1. deild í sumar og skoraði fimm mörk.

Högni er 20 ára gamall sóknar og miðjumaður sem kemur frá Egilsstöðum en hann lék með Fjarðarbyggð síðasta sumar og skoraði fimm mörk í 1. deildinni líkt og Jökull.

Þetta eru fyrstu leikmennirnir sem ganga í raðir Breiðabliks eftir að liðið varð bikarmeistari en samkvæmt heimildum Fótbolta.net hefur liðið einnig verið í viðræðum við Rafn Andra Haraldsson leikmann Þróttar sem er að skoða sín mál.