Byrjunarlið Leicester og Fulham: Harvey Barnes á bekknum

Leicester getur komist upp í annað sæti ensku úrvalsdeildarinnar ef liðið vinnur Fulham í ensku úrvalsdeildinni en liðin mætast klukkan 17:30, í beinni útsendingu á Síminn Sport.

Fulham er í fallsæti en getur komist uppfyrir strikið ef liðið nær óvæntum sigri á King Power leikvangnum.

Brendan Rodgers, stjóri Leicester, hefur sjö sinnum mætt Fulham í ensku úrvalsdeildinni og alltaf fagnað sigri.

Þessi leikur kemur aðeins of snemma fyrir Timothy Castagne og Wilfred Ndidi sem enn eru á meiðslalista Leicester. Harvey Barnes þarf að sætta sig við að vera á bekknum í kvöld en Jamie Vardy er á sínum stað í fremstu víglínu.

Meðal byrjunarliðsmanna hjá Fulham er Ruben Loftus-Cheek sem er á láni frá Chelsea.