Jonathan Fortune til Stoke á láni (Staðfest)

,,Jon er farinn til Stoke. Við erum vel settir í miðvarðarstöðunum núna og hann verður að spila. Við höfum möguleika á að kalla hann til baka eftir mánuð og við sjáum hvernig honum gengur," sagði Pardew eftir leikinn.

Varnarmaðurinn Madjid Bougherra kom til Charlton frá Sheffield Wednesday á dögunum og við það færðist Fortune aftar í goggunarröðinni.

Stoke ákvað að nýta sér það og fá leikmanninn á láni en hann mun leysa Michael Duberry af hólmi eftir að hann var seldur til Reading fyrr í dag.