Atli Guðjónsson í ÍR (Staðfest)

Atli, sem er 21 árs gamall, kom til ÍBV fyrir tímabilið eftir að hafa leikið með ÍA undanfarin ár.

Í fyrra lék Atli þrjá leiki í Landsbankadeildinni með ÍA og árið 2007 lék hann einn leik.

Atli, sem er sonur Guðjóns Þórðarsonar, hefur síðan leikið einn leik í Pepsi-deildinni með ÍBV í sumar og einn leik í VISA-bikarnum.

Hann mun núna ganga í raðir ÍR og reyna að hjálpa liðinu í varnarleiknum. ÍR-ingar hafa skorað mikið í 1.deildinni í sumar en jafnframt fengið 32 mörk á sig.