Real Madrid lánar Pedro Leon til Getafe (Staðfest)

Pedro Leon, sem er 24 ára gamall kom frá Getafe til Real Madrid fyrir síðasta tímabil en tókst einungis að leika 6 leiki fyrir félagið og var ekki inni í myndinni hjá Jose Mourinho þjálfara Real.

Real Madrid staðfesti þá í dag að félagið væri búið að lána leikmanninn til Getafe út tímabilið og að liðið geti keypt hann fyrir ákveðna upphæð á meðan hann er á lánssamningnum.

Hann á að baki 35 leiki með Getafe og hefur þá skorað 8 mörk. Þá hefur hann spilað sex landsleiki fyrir U21 landslið Spánverja og skorað eitt mark.