Scott Parker til Tottenham (Staðfest)

Parker, sem er 30 ára gamall hefur verið eftirsóttur í allt sumar eftir að West Ham féll niður um deild, en hann var valinn besti leikmaður ensku úrvalsdeildarinnar í fyrra og því áhuginn mikill.

Hann þurfti reyndar á endanum að leggja inn beiðni um að fara frá félaginu og var það samþykkt.

Parker stóðst læknisskoðun hjá Tottenham í dag, en talið er að félagið borgi 6 milljónir punda fyrir hann.

Hann á að baki 129 leiki með West Ham og skoraði hann 12 mörk í þeim leikjum, en þá hefur hann einnig spilað með Chelsea, Newcastle, Norwich og Charlton á ferli sínum.

Þetta gæti því þýtt það að Wilson Palacios yfirgefur Tottenham síðar í dag, en það verður allt að koma í ljós enda nóg eftir af glugganum.