Zdenek Grygera til Fulham (Staðfest)

Grygera, sem er 31 árs gamall gerði eins árs samning við Fulham með möguleika á að framlengja samninginn um annað ár.

Hann hefur leikið með Juventus undanfarin fjögur ár, en hann á 87 leiki að baki með liðinu og skoraði 3 mörk í heildina. Hann lék áður með Ajax í Hollandi og Sparta Prague í heimalandi sínu.

Grygera á þá 53 landsleiki að baki með landsliði Tékklands og hefur hann skorað tvö mörk í þeim leikjum.