Áhugi enskra liða á Eggerti Gunnþóri Jónssyni, leikmanni Hearts, er sífellt að aukast en eins og Fótbolti.net greindi frá í gær eru nokkur 1. deildarlið þar í landi með leikmanninn í sigtinu, þ.á.m. Coventry og Nottingham Forest.
Samkvæmt áreiðanlegum heimildum Fótbolta.net voru útsendarar frá ensku úrvalsdeildarliðunum Newcastle og Sunderland á Tynecastle, heimavelli Hearts, í gærkvöldi þegar liðið atti kappi við Hamilton og sigraði 1-0.
Eggert var einn þeirra leikmanna sem útsendararnir komu gagngert til að skoða en félagi hans hjá Hearts, miðvörðurinn Christophe Berra, og ungstirnið James Mccarthy, sem hefur vakið mikla athygli fyrir frammistöðu sína með Hamilton, voru einnig undir smásjánni.
Athugasemdir