Páll Viðar Gíslason.
,,Þetta er klárt rautt. Ef hann dæmir hendi á hann þá held ég að þetta sé í reglunum, að ræna upplögðu marktækifæri og aftasti maður, klárlega," sagði Páll Viðar Gíslason þjálfari Þórs eftir 1-2 sigur á Hetti í 1. deildinni í kvöld og vísaði í að hans eigin markvörður, Stdjan Rajkovic hefði átt að fá reisupassann seint í leiknum en hann varði svo vítaspyrnu frá Hetti nokkrum mínútum síðar.
,,Það er súrrealískt að þetta hafi endað svona því dómari leiksins byrjaði leikinn á að leyfa mjög gróf brot. Maður hugsaði með sér hvað verðskuldaði gult spjald eftir þetta ef þetta er ekki gult. Þetta endurspeglaði að hann átti ekki sinn besta leik í dag og gerði þessi augljósu mistök. Fyrst hann dæmir aukaspyrnu og hendi þá held ég að það eigi að reka hann útaf."
Rajkovic var óvænt í byrjunarliðniu því Joshua Wicks sem hafði slegið hann út á dögunum meiddist í upphitun.
,,Við erum með tvo mjög góða markmenn. Það er engin launung og það er hörð samkeppni að vera í marki. Það kom ekki bakslag í okkur þó við höfum þurft að skipta með stuttum fyrirvara. Þrátt fyrir að ég vil nú meina að hann hefði getað komið í veg fyrir eitthvað af þeim upphlaupum sem þeir fengu nálægt boxinu, þá held ég að Rajkovic sé þá maður leiksins að hanga inná ósanngjarnt samkvæmt einhverjum KSÍ reglum og er svo hetja leiksins. Svona er þetta bara."
Nánar er rætt við hann í sjónvarpinu að ofan.
Athugasemdir
