Mauro Icardi, Dodo og Danilo D'Amrosio skoruðu mörk Inter á troðfullum Laugardalsvelli í kvöld en ljóst er að einvígið er svo gott sem búið fyrir síðari leikinn sem fer fram á Giuseppe Meazza leikvanginum eða San Siro eins og hann er yfirleitt kallaður.

,,Við nálguðumst leikinn á réttan hátt. Það var erfitt að koma þessu í spil til að byrja með en þegar fyrsta markið kom þá urðu þeir að sækja og þá varð þetta töluvert einfaldara en við nálguðumst leikinn með virðingu fyrir andstæðingnum," sagði Hernanes við Fótbolta.net.

,,Við vissum að við gætum tapað þessu svo þetta var rétt nálgun. Við vissum hvernig Stjarnan myndi spila og liggja aftur með fleiri leikmenn í vörninni og því urðum við að vera þolinmóðir til að finna réttu leiðina til að komast yfir."

,,Núna getum við spilað á okkar velli og með þetta forskot en það mikilvægasta er að nálgast næsta leik með sama hætti. Það mikilvægasta er að spila góðan leik," sagði hann að lokum.

Hægt er að sjá viðtalið í heild sinni hér fyrir ofan.