Albert Hafsteinsson og Þórður Þorsteinn Þórðarson skrifuðu í gær undir nýja samninga við ÍA sem gilda til ársloka 2017.
„Báðir hafa þeir vaxið mikið sem leikmenn á undirbúningstímabilinu og unnið sér sæti í byrjunarliðinu á síðustu vikum," segir á heimasíðu ÍA.
„Það er því mikið ánægjuefni að hafa framlengt samninga þeirra um 2 ár og bindur félagið miklar vonir við þá í framtíðinni."
Þórður og Albert hafa báðir spilað fyrstu þrjá leiki ÍA í Pepsi-deildinni í sumar.
Þórður er sonur Þórðar Þórðarsonar fyrrum leikmanns og þjálfara ÍA en hann þjálfar í dag meistaraflokk kvenna hjá félaginu.
Athugasemdir