Oliver Sigurjónsson í leiknum gegn Makedóníu fyrr á árinu.
Íslenska U21 landsliðið mætir Frakklandi í stórleik á Kópavogsvelli á morgun í undankeppni EM 2017.
Franska liðið er fullt af stórum nöfnum á borð við Aymeric Laporte hjá Athletic Bilbao og Jordan Amavi hjá Aston Villa. Oliver Sigurjónsson, miðjumaður Breiðabliks og U21 landsliðs Íslands, er þó hvergi banginn.
Franska liðið er fullt af stórum nöfnum á borð við Aymeric Laporte hjá Athletic Bilbao og Jordan Amavi hjá Aston Villa. Oliver Sigurjónsson, miðjumaður Breiðabliks og U21 landsliðs Íslands, er þó hvergi banginn.
„Þetta er stór leikur og gaman að fá Frakkana hingað til landsins. Okkur hlakkar gífurlega til að fá þá á Kópavogsvöll, minn heimavöll, og það verður bara sótt til sigurs," sagði Oliver við Fótbolta.net.
„Auðvitað er alltaf skemmtilegt að fá að keppa á móti svona góðum leikmönnum sem eru að spila í stórum liðum. Þetta er skemmtilegt fyrir okkur að geta "matchað" við þá og séð hversu góðir við erum. Eins og þu sérð á leiknum í gær, það er verið að spila á móti Robben og Sneijder og fleiri stórstjörnum, ef liðsheildin og grimmdin og baráttan er til staðar, þá vinnum við þetta lið."
„Við höfum spilað á móti þeim tvisvar áður og gert 2-2 jafntefli í bæði skiptin. Við erum vel stemmdir. Við kláruðum Makedóníu 3-0 síðast, Frakkar eru yfirleitt hrokafullir og vanmeta oft minni lið og það er bara betra fyrir okkur ef þeir vanmeta okkur."
Viðtalið má sjá hér að ofan.
Athugasemdir
