Hvíti Riddarinn burstaði Berserki í leik um 7. sætið í C-deild Fótbolta.net mótsins í kvöld.

Staðan var 4-0 í hálfleik fyrir Hvíta Riddaranum, en þeir unnu að lokum 6-1 sigur.

Hvíti Riddarinn tekur því 7. sætið í C-deild Fótbolta.net mótsins, en Berserkir þurfa að gera sér það að góðu að enda í 8. sæti.

Það eru tveir leikir eftir í C-deild Fótbolta.net mótsins. Vængir Júpiters spila gegn Tindastóli á laugardaginn um 3. sætið og svo mætast Hamar og Þróttur Vogum um 5. sætið á laugardaginn í næstu viku.

Úrslitaleikurinn fór fram í gærkvöldi, en þar hafði Kári frá Akranesi betur gegn Víði.