Næsti leikur Grindvíkinga er 9. júlí
Varnarmaðurinn Björn Berg Bryde og miðjumaðurinn Sam Hewson verða ekki með Grindavík í næsta leik liðsins í Pepsi-deildinni. Þeir voru báðir dæmdir í bann á fundi aganefndar í gær þar sem þeir hafa fengið fjögur gul spjöld.
Það er reyndar nokkuð í næsta leik Grindvíkinga sem verður ekki fyrr en sunnudaginn 9. júlí, nýliðaslagur gegn KA á heimavelli.
Markahrókurinn Andri Rúnar Bjarnason er tæpur fyrir þann leik en hann fór af velli í jafnteflinu gegn Breiðabliki á mánudag vegna nárameiðsla.
„Ég er frekar slæmur núna og það er ekki víst að ég verði búinn að ná mér fyrir leikinn á móti KA eftir tvær vikur. En það er gott að fá þetta frí og vonandi næ ég að jafna mig," sagði Andri við mbl.is en hann hefur skorað 9 af 14 mörkum Grindvíkinga í deildinni.
Grindvíkingar hafa ekki mikla breidd og fróðlegt að sjá hvernig hópurinn mun höndla þau verkefni sem framundan eru. Miðjumaðurinn Milos Zeravica var ekki með í síðasta leik vegna meiðsla en ætti að vera klár í leikinn gegn KA auk þess sem Brynjar Ásgeir Guðmundsson snýr aftur eftir leikbann.
Grindavík hefur komið skemmtilega á óvart í Pepsi-deildinni í sumar, er í öðru sæti tveimur stigum á eftir toppliði Vals.
Á fundi aganefndar í gær voru einnig Ivica Dzolan í Fjölni og Arnþór Ingi Kristinsson í Víkingi Reykjavík dæmdir í bann. Dzolan missir af leik gegn KR 9. júlí og Arnþór missir af leik gegn uppeldisfélagi sínu ÍA sem fram fer daginn eftir.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir