„Við vissum það að þetta væri erfitt verkefni fyrir höndum, en við þéttum saman raðirnar og vorum staðráðnir í því að klára þetta mót, helst fyrir síðasta leikinn," sagði Ágúst Gylfason, þjálfari Fjölnis, eftir 2-2 jafntefli gegn KR í Pepsi-deild karla í dag.
Sparkspekingar og aðrir voru farnir að hafa miklar áhyggjur af Fjölnismönnum en þeim tókst að bjarga sér.
Sparkspekingar og aðrir voru farnir að hafa miklar áhyggjur af Fjölnismönnum en þeim tókst að bjarga sér.
Lestu um leikinn: Fjölnir 2 - 2 KR
Gústi segir að það sé auðvitað léttir að halda sér í deildinni.
„Það er léttir fyrir okkur að halda okkur í deildinni, alveg klárlega. Þetta var mjög viðburðarríkt ár og við lærum mikið af þessu."
„Það verða öðruvísi áherslur á næsta ári og við byrjum strax að vinna í því, hér og nú. Prógrammið er búið að vera mjög skrítið núna, fimm leikir á stuttum tíma og mikið prógram. Strákarnir hafa staðið sig mjög vel og okkur hefur tekist að halda öllum heilum."
Viðtalið má sjá í heild sinni hér að ofan.
Athugasemdir