Sean Dyche fannst Silva fara mjög auðveldlega niður þegar hann var í baráttu við Nick Pope, Silva fékk vítaspyrnu sem Sergio Aguero skoraði úr og kom Manchester City í 1-0 í fyrri hálfleik.

„Hann snerti mig klárlega, ég fann fyrir því. Ég er ekki búinn að sjá endursýninguna af þessu enn, en ég tel að þetta hafi verið vítaspyrna," sagði Silva.

„Eins og ég sagði, það var snerting og ég snéri á mér öklann, ég fann fyrir sársauka og fyrir mitt leiti þá var þetta alltaf vítaspyrna."

Manchester City sigraði 3-0, og er komið með fimm stiga forystu á Manchester United sem er í öðru sæti.