Það eru mjög áhugaverðar pælingar í gangi í færeyskum fjölmiðlum í augnablikinu. In.fo greinir frá því að Heimir Guðjónsson, fyrrum þjálfari FH, sé mögulega að taka við Víkingi Götu.
Víkingur Götu er ríkjandi deildarmeistari í Færeyjum, en deildinni var að ljúka núna í síðustu viku.
Víkingur Götu er ríkjandi deildarmeistari í Færeyjum, en deildinni var að ljúka núna í síðustu viku.
Heimir þekkir eitthvað til Víkings Götu, en FH mætti þeim í forkeppni Meistaradeildarinnar síðastaliðið sumar. Leikurinn í Kaplakrika endaði 1-1, en FH vann síðan 2-0 í Færeyjum.
Heimir var rekinn sem þjálfari FH eftir tímabilið síðasta eftir 10 ára starf. Ólafur Kristjánsson var ráðinn í hans stað.
Það er búið að ráða í öll stærstu störfin á Íslandi og Heimir þarf því að leita utan landssteinanna til að fá þjálfarastarf.
Á vef In.fo segir að þjálfari Víkings Götu hafi hætt eftir tímabilið og nú sé Heimir mögulega á leið til Færeyja. Hann á að hafa rætt við Víking Götu, en þetta mun skýrast nánar á næstu dögum.
Athugasemdir