Ekki er ennþá ljóst hvort að reynsluboltinn Matt Garner verði áfram með ÍBV í Pepsi-deildinni í sumar. Matt er samningslaus og ekki er ljóst hver framhaldið er hjá honum.
Matt er enskur varnarmaður sem hefur leikið með ÍBV nánast samfleytt síðan árið 2004.
Matt er enskur varnarmaður sem hefur leikið með ÍBV nánast samfleytt síðan árið 2004.
„Það eru þreifingar í gangi á milli leikmannsins og félagsins. Hvernig það endar veit ég ekki," sagði Kristján Guðmundsson, þjálfari ÍBV, við Fótbolta.net í dag.
Hinn 33 ára gamli Matt sneri aftur í lið ÍBV í fyrra eftir erfið meiðsli sem höfðu haldið honum lengi frá keppni.
Matt fótbrotnaði illa undir lok sumars 2014 og var ekkert með árið 2015. 2016 lék hann með KFS í 3. deildinni.
Síðastliðið sumar kom Matt sterkur til baka í lið ÍBV en hann spilaði sautján leiki í Pepsi-deildinni og varð einnig bikarmeistari með liðinu.
Athugasemdir