Lið helgarinnar í enska boltanum er með breyttu sniði að þessu sinni. Um er að ræða sameiginlegt lið úr fimm leikjum í ensku úrvalsdeildinni og leikjunum fjórum í 8-liða úrslitum enska bikarsins.
Hér að neðan er liðið hjá Garth Crooks á BBC en Crystal Palace, Liverpool, Manchester United og Tottenham eiga öll tvo fulltrúa þar.
Hér að neðan er liðið hjá Garth Crooks á BBC en Crystal Palace, Liverpool, Manchester United og Tottenham eiga öll tvo fulltrúa þar.
Michel Vorm (Tottenham) - Hélt hreinu í bikarsigri Tottenham gegn Swansea og varði vel bæði frá Martin Olsson og Tammy Abraham.
Cedric Soares (Southampton) - Innsiglaði 2-0 sigur Southampton á Wigan í enska bikarnum.
James Tomkins (Crystal Palace) - Skoraði og var traustur í vörninni í 2-0 útisigri Crystal Palace gegn Huddersfield.
Cesar Azpilicueta (Chelsea) - Leiddi Chelsea áfram í undanúrslit enska bikarsins eftir sigur á Leicester í framlengdum leik.
Andrew Robertson (Liverpool) - Lagði upp annað mark Mohamed Salah gegn Watford.
Luka Milivojevic (Crystal Palace) - Skoraði sitt sjötta mark af vítapunktinum á tímabilinu í sigrinum á Huddersfield.
Christian Eriksen (Tottenham) - Skoraði tvívegis í 3-0 sigri Tottenham á Swansea.
Nemanja Matic (Man Utd) - Átti enn einn stórleikinn með Manchester United í sigrinum á Brighton. Kórónaði frammistöðuna með marki.
Mohamed Salah (Liverpool) - Hélt áfram í stuði um helgina þegar hann skoraði fernu gegn Watford.
Romelu Lukaku (Manchester United) - Skoraði gegn Brighton og átti öflugan leik.
Cenk Tosun (Everton) - Tyrkinn er kominn í gang með Everton. Skoraði bæði mörkin í útisigri á Stoke og hefur nú skorað fjögur mörk í síðustu þremur leikjum.
Athugasemdir
