Rúrik Gíslason og Kári Árnason skokka á æfingu í vikunni.
Ísland mætir Mexíkó í vináttulandsleik í Santa Clara í Bandaríkjunum í kvöld. Leikurinn verður klukkan 2 eftir miðnætti að íslenskum tíma.
Fótbolti.net ræddi við Rúrik Gíslason á æfingu í vikunni og byrjaði á að tala um stöðu hans í Þýskalandi, hann færði sig um set í janúarglugganum og fór frá Nurnberg til Sandhausen en bæði lið eru í B-deildinni.
Fótbolti.net ræddi við Rúrik Gíslason á æfingu í vikunni og byrjaði á að tala um stöðu hans í Þýskalandi, hann færði sig um set í janúarglugganum og fór frá Nurnberg til Sandhausen en bæði lið eru í B-deildinni.
„Ég er kominn með nýjan þjálfara hjá nýju liði og það gengur mun betur. Mér fannst ég kominn á leiðarenda hjá Nurnberg og ákvað að taka smá séns. Hingað til hefur það gengið ágætlega. Sandhausen er lítið félag, fjölskylduklúbbur, og ég er mjög sáttur," segir Rúrik.
Hann hefur fengið lof frá fjölmiðlum fyrir sína frammistöðu en hann hefur að mestu leikið sem hægri bakvörður.
„Við lentum í smá meiðslaveseni með hægri bakvörðinn og þá var ákveðið að testa mig þar. Það gekk ljómandi vel. Síðustu tvo leiki hef ég síðan verið að spila frammi svo það er allur gangur á því hvar maður er að spila."
Gæti Rúrik séð sig sem hægri bakvörð til frambúðar í boltanum?
„Já ég þori alveg að segja það. Mér finnst þetta skemmtileg og spennandi staða. Það er gaman að vera með völlinn fyrir framan sig þegar maður er með boltann, ég hef gaman að þessu," segir Rúrik.
Sjáðu viðtalið í heild sinni í sjónvarpinu hér að ofan.
Athugasemdir
