Oympique Lyon hefur gefið frá sér yfirlýsingu vegna Fekir og Liverpool en Liverpool átti að vera svo gott sem búið að tryggja sér þjónustu Frakkans.

Yfirlýsing Lyon er svo hljóðandi: „Viðræður við Liverpool og Nabil Fekir vegna kaupa á fyrirliða OL hafa mistekist og Olympique Lyonnais ákvað að enda viðræður í kvöld klukkan 20:00."

„Þó Liverpool hafi verið í forgangi vegna hugsanlegra skipta Nabil er Olympique Lyonnais ánægt með að hafa fyrirliðann okkar, sem er lykilmaður fyrir næsta tímabil þar sem félagið verður með í Meistaradeildinni."

Nabil Fekir er uppalinn hjá Lyon en hann skoraði 21 mark og lagði upp níu til viðbótar í 39 leikjum á síðasta tímabili.