Atli Viðar Björnsson bar fyrirliðabandið í dag þegar FH gerði 1-1 jafntefli við ÍBV. Spurningar vöknuðu um hvort þetta væri merki um að Atli væri þarna að fá kveðjuleik. „Davíð Þór var í leikbanni og Bjarni er meiddur. Þeir hafa verið fyrirliðar, og ég hef nú fengið fyrirliðabandið áður í sumar þegar þessir menn hafa verið frá, þannig að ég leit ekki þannig á að þetta væri neitt slíkt. Samt sem áður er samningurinn runninn út og framhaldið verður rætt á næstu dögum.“
Lestu um leikinn: FH 1 - 1 ÍBV
Aðspurður hvort Atli verði áfram hjá FH sagðist Atli ekki útiloka neitt. „Ég vona að ég finni mér hlutverk, hérna eða einhvers staðar annars staðar. Ég ætla ekki að útiloka eitt eða neitt. Það þarf tvo til og verður þetta rætt á næstu dögum.“
Atli segir að Evrópuævintýri Dundalk, sem sló FH út fyrr í sumar, sé mikil hvatning fyrir FH. Viðtalið má sjá í heild sinni hér í spilaranum.
Athugasemdir