„Við vorum að spila svolítið öðruvísi og mér fannst það ganga vel fyrsta hálftímann. Við vorum að prófa að vera með tígulmiðju og standa hátt upp með bakverðina. Það var ágætt, við fengum fín pressumóment og fullt af frambærilegum sóknum í fyrri hálfleik." sagði Rúnar að leikslokum.

„Við nýttum sóknirnar ekki nógu vel, vantaði aðeins meiri gæði þar. Þetta eru ekki miklar breytingar, í staðinn fyrir að vera með bakverði ertu með kantmenn."

Rúnar Páll segist vera ánægður með mannskapinn hjá Stjörnunni en býst ekki við að halda markverðinum Sveini Sigurði Jóhannessyni, sem stefnir á að fara erlendis í nám.

„Við erum nánast með sama mannskap og í fyrra. Þó það hafi tveir farið þá erum við búnir að fá tvo inn. Annar þeirra meiddist og við sjáum ekki fram á að hann verði með fyrr en langt inná sumarið.

„Við erum rólegir og ætlum að gera þennan mannskap sem við erum með betri. Við erum með hörkumannskap og teljum okkur vera með mikla samkeppni í okkar liði. Það eru ungir strákar að koma upp sem setja svolítið skemmtilega vídd í þetta.

„Ég held að Svenni sé að fara erlendis í nám en ég hef ekki heyrt í honum."