Undankeppni EM í Frakklandi heldur áfram að rúlla í dag. Alls níu leikir í þrem riðlum.

Stöð 2 Sport sýnir sex leiki. Klukkan 16 verða Úkraína og Hvíta-Rússland á Stöð 2 Sport 3 en þau lið leika í C-riðli.

Á sama tíma verður enska landsliðið í eldlínunni í San Marínó þar sem Wayne Rooney gæti bætt markamet Bobby Charlton en Charlton skoraði 49 mörk fyrir enska landsliðið á sínum tíma. Rooney er kominn með 48 mörk.

Þá verður Zlatan Ibrahimovic í eldlínunni í Moskvu þar sem Rússland tekur á móti Svíþjóð í mikilvægum leik í C-riðli.