Heimild: Yahoo
Diego Armando Maradona var harðorður í garð Sepp Blatter í nýlegu viðtali þar sem hann lýsti yfir stuðningi sínum við jórdanska prinsinn Ali Bin Al-Hussein sem er í kapphlaupinu um forsetastöðu FIFA.
Blatter, núverandi forseti FIFA, hefur verið gagnrýndur harkalega í langan tíma og sparaði Maradona ekki stóru orðin.
Blatter, núverandi forseti FIFA, hefur verið gagnrýndur harkalega í langan tíma og sparaði Maradona ekki stóru orðin.
„Ef ég tryði því ekki að Prince Hussein yrði góður forseti þá væri ég ekki hér," sagði Maradona í viðtali við Guillem Balague.
„Knattspyrnuheimurinn veit að það ríkir algjört stjórnleysi innan Alþjóðaknattspyrnusambandsins þar sem aðeins einn maður (Blatter) ræður öllu.
„Þessi maður veit ekki neitt og þar af leiðandi er kominn tími á breytingar. Hann hefur skaðað knattspyrnuheiminn mikið og það er kominn tími á að hann stígi niður.
„Blatter er hræddur um að fá ekki sinn part af kökunni og það truflar mig mjög mikið. Ég spilaði á fjórum Heimsmeistaramótum og þar elti ég boltann á meðan Blatter er að elta kampavínið."
Athugasemdir