Lestu um leikinn: HK 1 -  3 Fjarðabyggð

„Það þarf að skora mörk til að vinna leiki. Spilamennskan var mjög góð að mörgu leyti. Betri spilkaflar en í undanförnum leikjum og líklega ekki fengið eins mörg færi í leik í sumar.“

HK hefði átt að jafna metin þegar Guðmundur Magnússon fékk algjört dauðafæri. „Við fáum færi á svona krítískum mómentum, við erum í dauðafæri og getum sett hann inn og svo allt í einu fáum við mark í bakið á klaufalegan hátt og tvö núll. Mér fannst samt þegar við fengum vítið í stöðunni 3-0 við getað jafnað leikinn, við vorum með þannig control á leiknum.“

HK kýldi boltann oft yfir miðjuna og reyndu leikmenn liðsins að finna Guðmund Atla sem er talsvert hærri en varnarmenn Fjarðabyggðar. Aðspurður hvort það hafi verið uppleggið stóð ekki á svari hjá Þorvaldi: „Nei, það var ekki.“

Búist var við að HK myndu blanda sér í toppbaráttu í sumar en raunin hefur verið allt önnur og er liðið aðeins með 12 stig eftir 10 leiki. Þorvaldur bjóst þó ekki við meiru af liðinu. „Tímabilið er eins og ég bjóst við bara. Ég veit ekki hvað aðrir búast við enda skiptir það mig engu máli. Þetta er það sem ég bjóst við. Við eigum bara langt í land með margt hjá félaginu og við höldum bara áfram.“