Spænski miðjumaðurinn Xavi segist hafa viljað spila í ensku úrvalsdeildinni á ferli sínum. Þessi fyrrum leikmaður Barcelona er í dag á lokaspretti ferils síns en hann leikur nú fyrir Al Sadd í Katar.
„Í hreinskilni sagt þá heillar enska úrvalsdeildin alla leikmenn, þetta er stórkostleg keppni," segir Xavi sem verður 36 ára í janúar.
„Leikvangarnir, stuðningsmennirnir, hvernig þeir lifa fyrir fótbolta. Það er allt magnað við þessa deild."
Þegar Xavi var spurður að því með hvaða félagsliði hann hefði viljað spila á Englandi var svarið:
„Fyrir félag með sögu. Annað hvort Manchester United eða Liverpool. Þegar kemur að sögunni heillar Manchester United mig mest."
Athugasemdir