James hefur spilað vel að undanförnu en hann átti í vandræðum á fyrri hluta tímabilsins og var gagnrýndur fyrir líkamlegt atgervi.

Hann segir þjálfaraskiptin hafa farið vel í leikmannahóp Real Madrid en liðið hefur enn ekki tapað undir stjórn Zinedine Zidane.

„Mér líður miklu betur og ég held að það eigi við um fleiri en mig. Þjálfarabreytingarnar gerðu okkur öllum gott."

„Zidane talar mikið við alla og ég held að það hjálpi okkar leik. Hann er mjög hvetjandi og lætur leikmenn vita að þeir eru honum mikils virði," segir James.