Ótrúlegt atvik átti sér stað í leik Nantes og PSG í frönsku úrvalsdeildinni í kvöld.
PSG vann leikinn með einu marki gegn engu þar sem Angel Di Maria reyndist hetja Parísarliðsins.
Leiksins verður þó líklega frekar minnst fyrir ótrúlega frammistöðu dómarans undir lok leiksins.
Diego Carlos, varnarmaður Nantes, var að spretta til baka og hljóp, að því er virðist óvart, utan í dómara leiksins, Tony Chapron sem féll til jarðar í kjölfarið.
Dómarinn brást ókvæða við og sparkaði í áttina að Carlos. Þegar þeir voru svo báðir komnir á fætur fékk Carlos að líta rauða spjaldið frá Chapron.
Sjón er sögu ríkari en myndbönd af atvikinu hafa farið sem eldur í sinu á Twitter í kvöld.
The referee of Nantes - PSG trying to kick Diego Carlos!!!! 😳😳 Never seen anything like this before!!! pic.twitter.com/aDZy5cXnQ3
— Julien Laurens (@LaurensJulien) January 14, 2018
THE REFEREE JUST SENT SOMEONE OFF FOR THIS IN THE NANTES VS PSG GAME LMAOO pic.twitter.com/mwHBJPXD9Z
— Owen³³ (@JesussEsque) January 14, 2018
Athugasemdir