,,Við þurftum þessi þrjú stig. Við vissum það fyrir leik að FH og KR hefðu bæði unnið sína leiki," sagði Pablo eftir leikinn, þar sem aðstæður voru skelfilegar.

,,Það var mjög erfitt, en erfitt fyrir bæði lið. Við vissum að við þyrftum að vinna hvort eð er."

Pablo neitar því að sigur FH gegn Þór í dag hafi aukið pressuna á Stjörnunni.

,,Við vissum að þeir væru ekki að fara að tapa þessum leik. Við þurfum hvort eð er að vinna alla leiki ef við ætlum að vinna titilinn, þannig að þetta var engin pressa."

Pablo skoraði laglegt aukaspyrnumark og kom Stjörnunni í 1-0, en Veigar Páll Gunnarsson skoraði svo úr aukaspyrnu undir lok leiks.

,,Við höfum æft þetta á æfingum, ég og Veigar skoruðum báðir úr aukaspyrnum. Það var frábært fyrir okkur. Vindurinn hentaði Veigari betur í seinni spyrnunni, og hann skoraði. Ég sagði honum að það væri eins gott að hann myndi skora."