Það er leikdagur númer tvö á Evrópumóti U-21 árs landsliða sem fram fer í Póllandi um þessar mundir.

Í fyrri leik dagsins í dag mættust Þýskaland og Tékkland, en þar reyndust Þjóðverjarnir sterkara liðið.

Max Meyer, leikmaður Schalke 04, kom Þýskalandi á bragðið og síðan bætti Serge Gnabry, sem var á dögunum keyptur til Bayern München, við marki og þar við sat.

Lokatölur 2-0 og sigur Þjóðverja staðreynd. Á mótinu eru þrír riðlar, en liðin sem enda í efstu sætunum fara áfram í undanúrslit og liðið bestan árangur í öðru sæti fer einnig áfram.

A-riðill: England, Pólland, Slóvakia, Svíþjóð
B-riðill: Makedónía, Portúgal, Serbía, Spánn
C-riðill: Tékkland, Danmörk, Þýskaland, Ítalía