Risarnir í Bayern München lentu í vandræðum með Freiburg í fyrsta leik þýsku Bundesligunnar eftir vetrarfrí, en leikurinn fór fram í kvöld.

Freiburg, sem spilaði á heimavelli, komst yfir snemma leiks þegar Jannik Haberer skoraði, en Bayern náði að jafna áður en dómarinn flautaði til hálfleiks. Robert Lewandowski var þar að verki.

Heimamenn í Freiburg virtust lengi vel ætla að halda á jafnteflinu, en þegar komið var fram í uppbótartíma kom sigurmark Bayern. Það var aftur Lewandowski sem skoraði og reyndist hann hetja Bayern í kvöld.

Með þessum sigri er Bayern komið með sex stiga forskot á spútniklið RB Leipzig. Freiburg er um miðja deild, nánar tiltekið í áttunda sæti, með 23 stig.

Stöðutöfluna í deildinni má sjá hér að neðan, en það gæti tekið smá tíma fyrir hana að uppfæra sig.