Orri var ánægður með frammistöðu síns liðs.
Orri Þórðarson, þjálfari FH-liðsins var ánægður með baráttuna í liði sínu í dag þrátt fyrir 1-0 tap gegn Þór/KA. Orri lét stelpurnar sínar heyra það eftir eftir 4-0 tap gegn Val í síðustu umferð og var ánægður með hvernig þær svöruðu því.
Lestu um leikinn: FH 0 - 1 Þór/KA
"Þær svöruðu þessu heldur betur með frábærri frammistöðu en því miður fengum við ekkert út úr leiknum. Við áttum svo sannarlega skilið að fá þrjú stig út úr þessum leik."
"Í fyrsta lagi fannst mér hugarfarið frábært og hvernig þær lögðu sig fram. Skipulagið var gott og sérstaklega í seinni hálfleik létum við boltann ganga, áttum möguleika á að klára þennan leik og vorum að skapa sénsa. Ég sá okkur bara að vera að klára þennan leik, við vorum talsvert sterkara liðið í seinni hálfleik og áttum bara að fá 3 stig."
"Stelpurnar voru búnar að gera þetta rosalega vel allan leikinn og þá kemst vængbakvörðurinn þeirra frír upp kantinn og nær sendingu. Þetta er bara hálffæri í rauninni en þetta var frábært skalli hjá henni", sagði Orri aðspurður að því hvað hefði klikkað í aðdraganda marksins.
Viðtalið í heild má sjá í spilaranum hér að ofan.
Athugasemdir
