Þórarinn Ingi Valdimarsson, leikmaður ÍBV, er á óskalista FH. Hafnarfjarðarfélagið hefur gert tilboð í leikmanninn og er það í skoðun.
Óskar Örn Ólafsson, formaður knattspyrnudeildar ÍBV, segir að það sé eina formlega tilboðið sem hafi borist í leikmanninn.
Óskar Örn Ólafsson, formaður knattspyrnudeildar ÍBV, segir að það sé eina formlega tilboðið sem hafi borist í leikmanninn.
„Þetta er í skoðun en það er ekkert víst hvort eitthvað gerist. Það er annars lítið að frétta hjá okkur," segir Óskar.
FH-ingar enduðu í öðru sæti Pepsi-deildarinnar í sumar og eru í leit að mögulegum liðsstyrk.
Þórarinn Ingi sagði við Fótbolta.net í síðasta mánuði að stefna sín væri sett á að komast út.
„Minn hugur leitar út. Ég hef fengið smjörþefinn af því að spila úti og ég hef bætt mig sem leikmaður þar," sagði Þórarinn sem var í láni hjá Sarpsborg í eitt og hálft ár áður en hann kom aftur til ÍBV í sumar.
Þórarinn var í íslenska landsliðshópnum í fyrstu þremur leikjum undankeppni EM en kom ekki við sögu.
„ÍBV stendur ekki í vegi fyrir því að leikmenn sínir fari erlendis. Við viljum að hjálpa leikmönnum að fara erlendis frekar en hitt," sagði Hannes Gústafsson, varaformaður ÍBV, við Fótbolta.net nýlega.
Athugasemdir