Sergio Ramos tók vítaspyrnu þar sem Ronaldo fékk hvíld. Ramos skoraði úr henni.
Leganes 1 - 3 Real Madrid
1-0 Unai Bustinza ('6 )
1-1 Lucas Vazquez ('11 )
1-2 Casemiro ('29 )
1-3 Sergio Ramos ('90 , víti)
1-0 Unai Bustinza ('6 )
1-1 Lucas Vazquez ('11 )
1-2 Casemiro ('29 )
1-3 Sergio Ramos ('90 , víti)
Cristiano Ronaldo fékk hvíld þegar Real Madrid heimsótti Leganes í spænsku úrvalsdeildinni á þessu Meistaradeildarkvöldi.
Real á slæmar minningar gegn Leganes eftir að hafa fallið úr leik gegn þeim í spænska bikarnum á dögunum. Leganes komst yfir í þessum leik eftir aðeins sex mínútur en sem betur fer fyrir gestina frá Madríd entist forystan ekki lengi. Lucas Vazquez jafnaði.
Casemiro kom síðan Real yfir á 29. mínútu og staðan í hálfleik var 2-1. Varnarmaðurinn Sergio Ramos, fyrirliði Real Madrid, gerði svo út um leikinn með marki úr vítaspyrnu í uppbótartíma.
Lokatölurnar 3-1 og góður sigur Real án Ronaldo staðreynd. Stórveldið úr höfuðborginni er nú í þriðja sæti La Liga, 14 stigum frá toppliði Barcelona. Leganes er í 13. sæti.
Athugasemdir
