„Það er gott að vinna svona leik," sagði varnarmaðurinn Daníel Leó Grétarsson eftir 4-1 sigur Íslands gegn Ísrael í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur í kvöld.
Lestu um leikinn: Ísrael 1 - 4 Ísland
Daníel byrjaði óvænt og hann strögglaði í leiknum. Hann gaf víti í fyrri hálfleiknum og Ísrael komst yfir. „Það var hátt spennustigið komandi inn í þennan leik þar sem þetta hefur verið löng bið."
„Þetta víti, það er svolítið erfitt að komast þannig inn í leikinn. Það var erfitt að reyna að halda sjálfstrausti og að reyna að gera sitt. Það er geggjað að vera með menn í liði sem geta skorað og komið okkur aftur inn í leikinn. Að fara inn í hálfleikinn 2-1 var geggjað."
„Vanalega er styrkleikinn minn að vera góður á boltanum en mér fannst ég ekki sýna það í dag. Við fengum sigurinn og það er það sem skiptir máli."
Hann segir að það hafi verið mikill léttir fyrir sig að liðið hafi náð að snúa leiknum við fyrir leikhlé.
„Að sjálfsögðu. Þegar þú gefur víti, þá finnst þér þú skulda samherjunum. Þegar þú kemst 2-1 fyrir hálfleik er það léttir og gefur þér orku," sagði Daníel. „Við förum á minn gamla heimavöll í næsta leik og mér líst vel á það."
Er hann klár í næsta leik?
„Ég er alltaf klár. Ég er búinn að vera í atvinnumennsku í tíu ár og maður á ekki alltaf frábæra leiki, en þegar maður dettur á sigurleik þá á maður ekki að hengja haus of mikið."
Athugasemdir