Kristján Guðmundsson þjálfari ÍBV var ágætlega sáttur með spilamennsku sinna manna gegn FH í Vestmannaeyjum í dag.

„Leikurinn er þannig séð jafntefli, bæði liðin fá álíka mörg tækifæri en hvorugt liðið náði að nýta eitt til að taka þrjú stig. Held að þetta séu réttlát úrslit og fínn leikur hjá okkur."

Aðspurður um hvort erfitt væri að sjá hvort liðið væri á toppnum og hvort væri á botninum sagði Kristján:

„Þetta er rétt að byrja. Þeir eru búnir að safna stigum og eru í öðru sæti í deildinni, og við erum einhversstaðar annarsstaðar en það voru stór batamerki á okkar leik."

Aðspurður um stigasöfnunina undanfarið og hvort heimavöllurinn væri drjúgur í henni sagði Kristján:

„Hérna erum við sterkir og þetta verður lykill í sumrinu að taka stigin hérna heima."