Íslenska kvennalandsliðið mætir Danmörku í gríðarlega mikilvægum leik á Laugardalsvelli í kvöld.

Leikurinn hefst klukkan 19:30 en þessi lið eru að berjast um 2. sætið í riðlinum sem gefur sæti í umspili um sæti á HM.

Íslenska liðið er fyrir leikinn með 13 stig í 2. sæti riðilsins, stigi á undan Dönum. Þessi lið gerðu 1-1 jafntefli fyrr í sumar og búast má við hörkuleik í kvöld.

Hér má sjá rafræna leikskrá fyrir þennan leik

Þá er einnig leikið í 2. deild karla í kvöld sem og 4. deild karla og 1. deild kvenna. Allir á völlinn!