Sergio Ramos, leikmaður Real Madrid, var valinn besti leikmaður HM félagsliða þegar liðið varð heimsmeistari í gærkvöldi.
Spánverjinn skoraði sitt annað mark í keppninni í úrslitaleiknum og kom Real Madrid 1-0 yfir gegn San Lorenzo en Real vann leikinn 2-0 á endanum.
Ramos varð að lokum valinn besti leikmaður mótsins en Cristiano Ronaldo var valinn næst bestur. Ivan Vucelich var valinn þriðji bestur en hann er fyrirliði Auckland City sem endaði í þriðja sæti keppninnar.
Ramos viðurkenndi eftir leik að hann átti ekki að spila leikinn þar sem hann varð fyrir meiðslum í undanúrslitum gegn Cruz Azul.
,,Það er satt, ég tók áhættu þar sem ég var meiddur, en mig virkilega langaði að spila leikinn," sagði Ramos.
,,Þetta var erfið keppni og við erum hæstánægðir með að hafa unnið. Ég er mjög stoltur að hafa hjálpað með mörkunum."
Athugasemdir