Rakip verður 22 ára í febrúar og á 120 leiki að baki fyrir Malmö auk 38 landsleikja fyrir yngri landslið Svía. Hann hefur unnið sænsku deildina fjórum sinnum með Malmö.

„Ég tel að enska deildin henti vel fyrir minn leikstíl. Ég þarf að vera snöggur að aðlagast til að fá spilatíma, hjálpa félaginu og sýna hvers ég er megnugur," sagði Rakip.

Crystal Palace er sem stendur í neðri hluta ensku deildarinnar, þremur stigum frá fallsvæðinu.