Franski landsliðsmaðurinn hefur verið óheppinn með meiðsli undanfarin ár en hann hefur verið frá undanfarið ár eftir að hann meiddist gegn Swansea City í mars á síðasta ári.

Arsene Wenger, stjóri Arsenal, staðfesti við fjölmiðla í dag að Diaby væri byrjaður að æfa aftur og að hann gæti spilað með liðinu í síðustu leikjum tímabilsins.

Hann byrjar á því að spila með U21 árs liðinu en þetta hafði Wenger að segja um endurkomu Diaby.

,,Hann er byrjaður að æfa aftur og er klár í að spila. Hann gæti á næstu dögum spilað með U21 árs liðinu," sagði Wenger.

,,Hann hefur ekki spilað í ár en líkamlega er hann fullkomlega tilbúinn í þetta. Þetta snýst bara um ákvarðanatöku núna. Hann þarf að fá að spila," sagði hann að lokum.