Þetta er bara mjög svekkjandi að tapa þessum leik. Sagði Halldór Jón Sigurðsson þjálfari Þórs eftir 2-1 tap gegn Leikni í kvöld. En þetta var fjórða tap Þórs í röð
Lestu um leikinn: Þór 1 - 2 Leiknir R.
„Fyrri hálfleikur var bara lélegur. Við vorum ekki mættir í leikinn. Fáum á okkur mörk úr föstu leikatriði sem við höfum ekki gert hingað til. Seinni hálfleikurinn var betri. Við vorum töluvert betri aðillinn þar“
„Mér fannst momentið vera með okkur en svo fáum við á okkur annað mark eftir fast leikatriði. Það er að kosta okkur leikinn núna. Aumingjaskapur í föstum leikatriðum sem hefur verið heilt yfir frábært í sumar“
Þór fékk til sín tvo nýja leikmenn í gær. Ólaf Hrafn Kjartansson og Óskar Jónsson. Aðspurður um frammistöðu þeirra sagði Donni:
„Þeir stóðu sig mjög vel báðir. Óskar stóð sig vel á miðjunni og var að gera fína hluti. Óli kom með góðann kraft inn í þetta og átti stórann þátt í markinu okkar þar sem hann gerir mjög vel“
„Akkúrat núna erum við í engri baráttu um að komast upp Það er voðalega einfalt. En ef mönnum langar til þess að snúa því við þurfum við að gera það í næsta leik“
Athugasemdir